Leef Plagge en Plagginne,

Cultuur
8 juni 2021

 Nao enne tied waorin minder kôs, is d'r lich aan ut end vân de tunnel. Weej kunne wir veuroét gaon kiëke en hebbe d’r biëstig vuul zin in. Gaer wille weej dit dan ok same met ôg doon.

De aafgelaupe twië jaor hebbe weej, same met al ôs kemmissies, gewerkt aan enne nieje jaoragenda vur ôs Plaggenhouwers. D'r zien een paar dinge in de agenda aangepas, zoëdât weej de krachte vân al ôs kemmissies nog baeter kunne bundele. Met dizze nieje agenda zien weej d’r vân euvertûûg dât weej de kommende jaore alle Plaggenhouwers kunne ammezeere met moeije fiëste, waobeej ôzze Gekke Maondaag centraal zal blieve staon

We beginne ut sezoen tradisiegetrouw met ôzze Liedjesmiddaag en in ut weekend vân 13 en 14 november zulle alle Prinse en Prinsesse oetkomme, vân ut Kienger kwartet wies ut Aldere trio.

Vastenaovesdinsdaag sloete weej aaf met ein knalfiës en zette weej met z’n alle de muts aaf van ôs hoëghede. 

De agenda vûr ut seizoen 2021/2022 zuut d’r âs volgt oét:

HIER klikken

Gaer zeen weej ôg op de Liedjesmiddaag!

Met enne Plaggegroet,

Bestuur, kemmissies & Raod van 11

Wie

Kinderen
Jongeren
Volwassenen
Senioren